El Principáu quier revitalizar el sector del turismu rural

Gimena Llamedo almite que los datos del sector turísticu tán estancaos

El Principáu quier destinar 600.000 euros a un programa de bonos pa medrar el númberu de veceros nos agospios rurales. Ye una de les propuestes recoyíes nel proyectu de presupuestos pa 2025, y que s’inxerte amás nel estudiu sobre la situación del turismu rural que güei presentaron a la mesa de trabayu del sector.

L’estudiu recueye amás midíes que yá tán en marcha pa meyorar los datos d’un sector, que la vicepresidenta, almite, tán estancaos.

Gimena Llamedo recalca que’l turismu rural ye una prioridá pal Gobiernu asturianu, y recuerda qu’Asturies representa’l 7% de les places qu’ufierta’l sector en toa España.