El Sepepa llanza una campaña pa impulsar el trabayu ente los menores de 30 años

La iniciativa esparderáse en redes sociales, medios de comunicación y mupis

El Serviciu Públicu d’Empléu del Principáu d’Asturies (Sepepa) punxo en marcha la campaña 'Trabayamos pa que nun pares', cola que busca dar un xiru a la so imaxe, reforzar el so papel como organismu clave na intermediación llaboral y medrar la población activa ente los menores de 30 años.

Según esplicaron dende la Conseyería, nesti grupu poblacional el serviciu de trabayu ye menos conocíu qu’ente otros colectivos prioritarios, como les persones vulnerables, paraos de llarga duración y mayores de 45 años.

La campaña inxértase nel procesu de modernización y reforma entamáu pol serviciu públicu y concentráu en cuatro exes básicos: polítiques actives de trabayu, formación, orientación llaboral y intermediación.