El nuevu radar de Llugones suma cuasi 2.000 multes nun mes

L'alcalde de Siero defende la so instalación y sorraya que l'oxetivu ye ameyorar la seguridá vial

Unu de los nuevos radares de Llugones sancionó a 1942 vehículos solo nel mes de setiembre. Ta asitiáu nuna avenida, una zona apartada del centru, pero onde hai que respetar los 30 kilómetros hora a lo más.

Dende la so instalación, a primeros d'añu, atropa miles d'escesos de velocidá. Los vecinos de Llugones llegaron a manifestase, señalen Miguel Ángel Álvarez, Carmen Jiménez y Marcelino Díaz.

Hai más caxetinos repartíos pel pueblu, pero ésti ye'l más polémicu y del que tol mundu fala, denuncien Julia Pesquera y Clara Pérez.

El Conceyu de Siero destaca qu'hai señales que sollerten, y que l'oxetivu ye garantizar la convivencia ente peatones, conductores y ciclistes.

El radar pasó de multar al algamar los 46 kilómetro hora, a sancionar cuando se rexistren los 50.