El Principáu recuerda al PP que p'ampliar los efectivos d'emerxencies son necesarios presupuestos

Peláez pide a los populares que sofiten les cuentes o, polo menos, nun s'opongan

El Principáu recuérda-y al PP que nun basta con una declaración pública pa qu'aumenten los efectivos de bomberos. Ye necesario, afiten, que s'aprueben los presupuestos rexonales.

El voceru del executivu Guillermo Peláez respondió asina al presidente del PP, Álvaro Queipo, qu'ayeri dixo que va sofitar al Principáu na ampliación de los servicios d'emerxencies, que nun s'opondrán.

Peláez pide al PP que pa que puean crear eses 40 nueves places, o bien sofiten el proyectu de presupuestos, o polo menos, nun s'opongan al mesmu.