Más medios pa velar pola salú mental de los estudiantes

El cursu pasáu rexistráronse n'Asturies 146 casos d'acosu escolar

El cursu pasáu rexistráronse n'Asturies 146 casos d'acosu escolar, anque fueron munches más les denuncies por esti motivu, 469. A atayar el bullying, contribuyen los coordinadores de bienestar emocional de los centros, una figura que s'allugó en 2022 y que, pese a les sos faltes, meyoró'l clima en dellos institutos.

Mónica Rodiles ye profesora de Matemátiques nel institutu Fernández Vallín de Xixón pero, amás, ye la coordinadora de bienestar emocional d'esti centru de 1.200 alumnos.

Tien solo dos hores a la selmana pa velar pola salú mental de los estudiantes, pero sáca-yos partíu. Una hora dedícase a coordinase col equipu d'orientación y la otra a averase a los alumnos vulnerables.

Los docentes d'esti y el restu de centros reclamen más medios pa faer meyor un trabayu inabarcable.

La nueva llei d'educación obligó a allugar esta figura en colexos y institutos en 2022.

Hasta agora, la conseyera d'Educación nun contempla lliberar más hores a los docentes qu'exercen de coordinadores de bienestar.

Lydia Espina afita que l'añu pasáu teníen una hora y esti cursu pasóse a dos.