Pousada de Rengos estudia la instalación d'un parque de bateríes

Los ecoloxistes van presentar allegamientos escontra la situación del parque

Nunos terrenos del pueblu de Pousada de Rengos hai la posibilidá de la instalación d'un parque de bateríes. Ye unu de los pueblos que tien interés nel conceyu énte un proyectu empresarial al que'l conceyu de Cangas amuésase abiertu.

El problema que surdió n'otros conceyos con esti tipu de bateríes ye'l refugu énte la cercanía a les viviendes nes zones rurales y la Coordinadora Ecoloxista d’Asturies yá anunció que va presentar allegamientos escontra la situación d'esti parque. Per otru llau, dende'l Conceyu nun se recibieron quexes por parte de los vecinos.

Esta infraestructura que se proyecta ta compuesta por ocho contenedores de bateríes d'ión-litiu con una capacidá d'almacenamientu de 2,752 Mwh. Amás, van instalase cuatro centros de tresformamientu en contenedores compactos prefabricaos y una llinia soterraña d'alta tensión de 22 kV.