Tres colexos asturianos participen nun proyectu européu d'aprendizaxe activu con robots

Centros d'España, Serbia, Eslovaquia, Rumanía y Hungría participen na iniciativa

Tres centros públicos educativos d'Asturies formen parte, d'un proyectu européu de metodoloxíes d'aprendizaxe activu con robots, en representación d'España. Son los colexos Reconquista de Cangues d'Onís, Returbiu de Mieres, y Ría del Eo d'A Veiga.

Na iniciativa, participen centros d'España, Serbia, Eslovaquia, Rumanía y Hungría. OBO Robotics, consultora educativa especializada en robótica, foi una de les promotores del proyectu y supervisa la participación asturiana.

El proyectu tien una subvención europea de 400.000 euros y un plazu de desenvolvimientu de dos años.

Representantes de los centros educativos, alumnos y profesoráu, van asistir a xuntes pa dir a los distintos países y, como colofón, va haber un campamentu en xunu de 2026 n'Hungría.