Aleastur sigue ensin electricidá y nun pon una nueva fecha pa recuperar l'actividá

Cuatro trabayadores resultaron mancaos na esplosión del martes

Aleastur nun pudo reiniciar güei la producción, como tenía previsto. La empresa sigue ensin electricidá dempués de la esplosión del martes pela nueche na que resultaron mancaos cuatro trabayadores, unu d'ellos de gravedá que foi treslladáu al hospital madrilanu de La Paz.

Tampoco remataron les obres d'arreglu del techu.

La empresa nun tien fecha pa entamar de nuevo l'actividá y pel momentu solo ta dedicada a los productos acabaos.