Dos xeólogos coinciden en que'l llugar del argayu siempres foi delicáu porque ta mui quebráu

Los espertos aseguren que ye imprevisible cuando les suxeciones puen fallar

Los xeólogos reconocen qu'esti puntu concretu de l'autopista d’El Güerna siempres foi complicáu, non tanto pola composición de la roca, na so mayoría cayuela y arenisca, sinón polo quebrada que ta, señalen Daniel Arias, profesor de Xeotecnia na Universidá d'Uviéu; y Carlos López, decanu de la Facultá de Xeoloxía de la Universidá d'Uviéu.

Anque los elementos de seguridá de la lladera seyan los afayadizos, asumen que saber en qué puntu se pue superar la resistencia ye mui complicao. Hai que tener en cuenta amás que col pasu del tiempu estos sistemes de contención deteriórense. Y sumar, recuerden, l'efectu del agua.

Lo que toca agora, enantes de llimpiar dafechu la vía, ye asegurar de nuevo la lladera.