Late Asturias trabaya dende fai 20 años nel desenvolvimientu de la rexón de Casamance, en Senegal

Ingeniería sin Fronteras Asturias ye una asociación de cooperación qu'anguaño trabaya en Guinea Conakry

Late Asturias trabaya dende fai 20 años nel desenvolvimientu de la rexón de Casamance centrándose na prevención de violencia sobro muyeres, l'ámbitu educativu y l’alimentariu. En Thionck-Essyl desenvuelven el so últimu proyectu, güertos comunitarios pa muyeres señala Mohamed Sagma, beneficiariu de Late Asturias.

El so próximu proyectu van ser güertos pa los más mozos. L'oxetivu nun ye otru qu'afitar población. Al llargu plazu desenvuelven un escuela d'educación media. Les ayudes obliguen a construyila por fases lo que condiciona'l proyectu apunta Lorena Terente, de Late Asturias.

Ingeniería sin Fronteras Asturias ye una asociación de cooperación qu'anguaño trabaya en Guinea Conakry. Formada por profesionales, docentes y estudiantes traten d'usar la tecnoloxía pa llograr una sociedá más xusta. Dende 2019 trabayen nuna ONG local na asistencia y formación técnica de la zona rural. Anguaño impulsen un plan d'electrificación fotovoltaica anque al llargu plazu l'oxetivu ye crear un centru politécnicu profesional señala Jorge Coque, d'Ingeniería sin Fronteras Asturias.

Na última convocatoria recibieron ayudes de los conceyos de Xixón y Avilés anque reconocen que'l descensu de subvenciones comprometen los proyectos al llargu plazu.

Una necesidá que se traduz nun pidimientu. El de más ayudes.