Les tarxetes monederu namás lleguen a una de cada diez families que podríen recibiles

L'añu que vien la xestión va depender de les comunidaes autónomes  

Namás 300 de les 3.000 families asturianes que cumplen requisitos recibieron la tarxeta monederu, señala Paula Álvarez, directora xeneral de Derechos Sociales.

Les tarxetes entamen nun mínimu de 130 euros pa una familia de dos miembros p'alimentos de primera necesidá y recárguense cada tres meses. Tán financiaes pol Fondu Social Européu Plus y namás beneficia a les families con menores dientro de toles que recibíen ayudes d'emerxencia social del fondu de garantía.

El ministeriu axudicó anguaño de forma transitoria la so puesta en marcha a Cruz Roja. L'añu que vien van ser les comunidaes autónomes les que lo xestionen.

Pa dar respuesta a quien quedó fuera, el Principáu destinó un millón d'euros a la convocatoria de subvenciones pal tercer sector al cargu del IRPF pa 2025.