Retrasos nos autobuses col corte d'El Güerna pol argayu

Pela autopista d'El Güerna circulen caldía 6.000 vehículos y 1.200 camiones

El corte de l’autopista d’El Güerna ta obligando a esviar tol tráficu cola meseta al traviés d’El Puertu Payares. Ellí en tola xornada formáronse llargues coles de vehículos. La Delegación de Gobiernu ta reforzando les patrulles pa que’l tráficu seya lo más fluyío posible.

Circular esti domingu per El Puertu Payares obligó a los conductores a armase de paciencia. Cola autopista d’El Güerna cortada, la carretera nacional rexistró llargues coles de vehículos tola xornada destaca Inés Bernardo, visitante de Lleón.

La Guardia Civil esviaba’l tráficu pasaes les once de la mañana. Dende esi momentu turismos, autobuses y camiones circulen pel puertu dende Campumanes na vertiente asturiana y dende La Madalena na lleonesa apunta Natalia Robles, visitante de Lleón.

Un contratiempu que ta obligando a munchos conductores a camudar los sos planes señala Alberto Fernández, asturianu afincáu en Lleón.

Pela autopista d’El Güerna circulen caldía 6.000 vehículos y 1.200 camiones. La Delegación de Gobiernu reforzó los efectivos na zona pa que la circulación seya lo más fluyida posible.