El Gobiernu del Principáu márcase como oxetivu acabar en 2028 col ensinllarismu

Asturies destinará 4,5 millones nos cuatro años vinientes con cargu al Fondu Social Européu Plus

N’Asturies participaron 65 persones ensin llar nel proyectu pilotu nacional 'Derechos a la vivienda', onde se-yos ufiertó una solución residencial, la oportunidá de trabayar y acceder a servicios públicos. Como resultáu salieron de la so situación el 68,57% de les persones que vivíen n’instituciones o viviendes de la rede d’atención. Los que recibieron una primer rempuesta, enantes de cronificase’l problema rehabilitáronse dafechu.

Esto demuestra, según los espertos, qu’una rápida contestación da meyores resultaos.

El Gobiernu d’Asturies quier acabar col ensinllarismu en 2028, pa lo que destinará 4,5 millones nos cuatro años vinientes con cargu al Fondu Social Européu Plus. Amás, ta preparándose una llinia de subvenciones pa les entidaes locales acordies a la Estratexa Nacional escontra esti problema.

Según l’alcaldesa d’Avilés, Mariví Monteserín, l’interés d’esti tipu de programes ye que dexen actuar preventivamente y ayudar a aquelles persones con riesgu de ensinllarismu.