Aprobada la nueva llei que reforzará'l control sobre les viviendes turístiques

La nueva llei conlleva una actualización de les sanciones económiques por incumplimientos de la normativa

El plenu de la Xunta Ceneral del Principáu dio lluz verde esti miércoles al cambéu de la Llei de Turismu que reforzará los mecanismos de control pa combatir l’actividá clandestina, la ufierta illegal y l’intrusismu profesional nes viviendes d’usu turísticu.

El dictame salió alantre col sofitu del PSOE, Convocatoria por Asturies-IX y los diputaos del grupu mistu Adrián Pumares y Covadonga Tomé, mientres que los parllamentarios del PP -que reservare’l debate de delles enmiendes na sesión- y Vox optaron pol so refugu.

La normativa inxerta, con rangu de llei, les viviendes d’usu turísticu como una modalidá d’agospiu reconocida y regulada y estipula qu’estes tendrán que contratase dafechu, esto ye, nun arrendarán por habitaciones.