Retrasos na llegada de camiones a Mercasturies y retrasu nel repartu a tiendes y supermercaos

Transinsa treslladará a Madrid a los pacientes de les ales d'Asturies poñer Palencia y per Lugo

Retrasos de menos d’una hora ye lo que se notó esta mañana en Mercasturies na llegada de los camiones que traen la mercancía dende Almería, Murcia, Valencia o Madrid.

Enagora, nun habo problemes, pero Avelino Feito, director Comercial de Feito y Toyosa, principal distribuidora de fruta y verdura d’Asturies, creen que si s’allarga la situación d’El Güerna, notaráse nel preciu de los productos.

Alimerka viose obligada a camudar les sos rutes pa poder llegar a les sos tiendes de Castiella y Lleón. Fáenlo al traviés de Cantabria y Lugo, lo que supunxo en dalgunes tiendes retrasos de más de tres hores nel serviciu. Aseguren que nun repercutirán esi sobrecostu nel veceru.

Dende MasyMas tamién tuvieron retrasos nes entregues, de más d’una hora en cada sen al circular per Payares. Sobre los sos proveedores, de momentu tán asumiendo los costos que supón una ruta más llarga.

A too ello amiéstase que, según otres fontes empresariales, hai tresportistes que yá amosaron la so reticencia a facer portes con destín a Asturies, porque nun-yos compensen nin los tiempos nin el costu de venir per Payares.

Transinsa treslladará a Madrid a los pacientes de les ales d’Asturies per Palencia y per Lugo

Transinsa nun treslladará a pacientes de les ales d’Asturies per Payares hasta que reabra El Güerna. La situación entá nun se dio pero, cuando haya que tresportar a persones del oriente o del occidente a hospitales de Madrid, fadráse per Palencia o per Lugo.

Lo que nun camuden son los viaxes a Madrid dende la zona centru que, a pesar de les torgues, tán faciéndose per El Puertu Payares. Dende’l domingu ficieron seis tresllaos, ún d’ellos urxente.