Una gran mayoría parllamentaria aprueba la llei que regula la nueva rede de 0 a 3 años

La llei afita que l'apertura de nueves escueles infantiles tendrá de rexise atendiendo a criterios demográficos

El pleno del parllamentu asturianu aprobó esti miércoles, col sofitu de tolos grupos políticos, menos Vox, la llei pola que se regula la nueva rede autonómica, pública y de baldre d’escueles infantiles.

La normativa aborda l’afitamientu d’esta rede d’equipamientos de 0 a 3 años fixando la so composición, el so calter progresivu nel afitamientu y desendolcu y el compromisu collaborativu coles alministraciones locales poles sos competencies directes sobre la materia.

La llei afita que l’apertura de nueves escueles infantiles tendrá de rexise atendiendo a criterios demográficos y de territoriu, con especial atención al mediu rural y priorizando l’accesu del alumnáu en situación de riesgu de probeza o desventaya col envís de facilitar la conciliación familiar.