Centenares de mozos van a la Feria Talentu n'Avilés en busca d'empléu

La feria ta enfocada a cualquier edá y perfil

Alredor d'ochocientos mozos fueron esti xueves a la Feria Talentu que se celebra nel Pabellón d'Esposiciones y Congresos de La Madalena d'Avilés cola participación de 44 espositores con representación de les principales empreses de la rexón amás d'instituciones públiques.

El presidente de la Comisión de Formación y Empléu de la Cámara de Comerciu, Natán Fernández, esplicó na inauguración qu'hai unos 300 inscritos dientro del Sistema de Garantía Xuvenil, que son menores de 30 años, anque la feria ta enfocada tamién a cualquier edá y perfil.

Nel enfotu de la Cámara ta que, como n'anteriores ediciones, munchos de los paraos que van a la feria salgan con un puestu de trabayu en dalguna de les empreses que recluten dellos tipos de perfil.