El Cai de Xixón aprueba la venta de tarrenes pa desendolcar el proyectu Naval Azul

La valoración foi afitada y aceptada pol Ayuntamientu de Xixón en 4.647.877 euros

L’Autoridá Portuaria de Xixón aprobó esti xueves nel so conseyu d’alministración el traspasu al Ayuntamientu de la ciudá de la parcela pa impulsar el proyectu Naval Azul.

El Cai tresllasó al traviés d’un comunicáu que, d’esta forma, los 35.000 metros cuadraos de los que yera titular, y que la so valoración foi afitada y aceptada pol Ayuntamientu de Xixón en 4.647.877 euros, podrán pasar a ser propiedá del consistoriu nel plazu máximu d’un mes dende qu’esti reciba la notificación del alcuerdu algamáu esti xueves.