Uviéu va proponer en 2 selmanes les parceles nes que'l Principáu va construyir 300 viviendes

Zapico apunta qu'Uviéu ta "entrando nuna sienda mui interesante" d'apueste por entamar polítiques públiques de vivienda

El Conceyu d'Uviéu va proponer nel plazu d'unes dos selmanes l'allugamientu de les parceles o recintos disponibles na ciudá nos que'l Gobiernu del Principáu comprometióse a edificar, polo menos, trescientes viviendes públiques.

Asina lo avanzaron el conseyeru d'Ordenación de Territoriu, Urbanismu, Vivienda y Derechos Ciudadanos, Ovidio Zapico, y el conceyal d'Urbanismu d'Uviéu, Ignacio Cuesta, tres caltener una xunta na que tamién participó'l voceru d'IX nel consistoriu, Gaspar Llamazares.

Zapico enmarcó l'alcuentru nel análisis de la falta de vivienda pa la clase trabayadora, un problema nel que dambes alministraciones tienen un puntu de vista común "mui importante" sobre la necesidá d'afitar sinerxes y coordinación.