Xixón reorganiza Protección Civil sobre la esperiencia de la dana de Valencia

El conceyu xixonés escueye a un espertu en xestión de catástrofes como nuevu xefe de Protección Civil

L'alcaldesa de Xixón, Carmen Moriyón, nomó xefe de Protección Civil a Luis Moreno Pascual, un espertu na xestión de catástrofes que va tener la misión de reorganizar esi serviciu de voluntarios sobre la base de la esperiencia garrada tres la dana de Valencia.

Moreno Pascual releva nel cargu a Valentín Cuesta Tuero y va dirixir les sos funciones, principalmente, a la formación de voluntarios y de miembros de la sociedá civil pa que puean responder con mayor eficacia antes siniestros y catástrofes.

Nuna rueda de prensa na que se presentó al nuevu xefe, l'alcaldesa destacó que la Protección Civil garra “una importancia estraordinaria, porque, ante los acontecimientos que tamos viendo, hai que tar preparaos”.