L'informe de Cultura sobre la xestión d'Ana Mateo frente a la OSPA recueye incumplimientos en contratos

La conseyera pidirá'l llunes nel Conseyu rector la destitución de la xerente de la orquesta

La Conseyera de Cultura pidirá’l llunes nel Conseyu rector la destitución de la xerente de la OSPA. El so pidimientu ta sofitáu poles conclusiones negatives que recueye l’informe encargáu a la secretaría técnica.

Un informe sobre los últimos cinco años de xestión de la orquesta, que Cultura tardó cinco meses en facer, recueye incumplimientos en materia de contrataciones menores, tresparencia y procedimientos.

Ana Mateo, de baxa dende’l branu, lleva al frente de la OSPA 17 años.

La so xestión foi cuestionada pola oposición y los sindicatos, sobre manera dempués de les oposiciones de xunu onde dellos músicos interinos con años d’esperiencia fueron puntuaos con un cero.