Los psicólogos reclamen una ratiu d'un profesional por cada 15.000 habitantes n'atención primaria

María Fuster destaca'l papel clave de los especialistes na prevención del suicidiu

Los psicólogos reclamen equipos multidisciplinares n’atención primaria con un profesional por cada 15.000 habitantes. Ye la petición de los espertos na primer xornada de psicoloxía d’intervención social que se celebra n’Uviéu. La ponencia marcu corrió al cargu de María Fuster que destacó’l papel clave de los especialistes na prevención del suicidiu.

María Fuster, coordinadora d’intervención social del Conseyu Xeneral de Psicoloxía, reivindica’l papel del psicólogu d’intervención social nos Servicios Sociales de Base p’afrontar munchos de los problemes de la sociedá actual. Ún d’ellos, les altes tases de suicidiu: 4.000 al añu n’España.

Trabayar en prevención, ye clave n’edaes moces, pero tamién con adultos

Decana del Colexu de Psicoloxía de la Rexón de Murcia, Fuster precisa qu’en salú primaria fai falta equipos multidisciplinares con un psicólogu por cada 15.000 habitantes.