Un 25% menos de quivis y más caros

El clima afecta a la producción del quivi

Los productores asturianos empezaron a recoyer los sos quivis. La recoyida llega un par de selmanes más tarde de lo avezao, porque la falta de fríu torgaba a la fruta algamar el dulzor óptimo. Les temperatures tamién xugaron un papel clave nel floriamientu afectando a la cantidá que se va recoyer y al tamañu de los quivis.

El descensu na producción va llegar dempués d'un añu nel que foi elevada. Los productores creen que l'amenorgamientu de la ufierta pue afectar a los precios.

Nuna finca de Kiwiastur recuéyense 600.000 quilos de fruta. Son necesarios 15 díes pa poder completar el trabayu. Consiguir les cuadrielles pa llevalo alantre son una dificultá amestada pa dalgún de los productores.

Una recoyida que tamién se fadrá colos güeyos puestos nel cielu. Los productores esperen que la lluvia nun complique los últimos díes de recoyida y que los camiones cargaos de fruta puean siguir saliendo dende les sos instalaciones.