Cada tresportista pierde de media más de 70 euros diarios pol pieslle d'El Güerna

El sector de les mercancíes peligroses nun pue circular per Payares

Cada tresportista pierde de media más de 70 euros diarios pol pieslle de l’autopista d’El Güerna. Son cálculos de la Confederación Española de Tresporte de Mercancíes, que ta a la espera de que’l Ministeriu autorice una medría temporal de los tiempos de conducción pa compensar los rodeos.

Pa les mercancíes peligroses nin siquiera El Puertu Payares ye una opción porque tán obligaos a circular per autovíes. Asina que la solución ye dir per Cantabria, lo que medra en más d’una hora’l trayectu, xenerando’l segundu problema: la superación de los tiempos máximos de conducción.

Perder un día de trabayu supón ente 300 y 400 euros de media, asegura Ovidio de la Roza, presidente de la Confederación Española de Tresporte de Mercancíes y d’Asetra.

Les asociaciones profesionales piden igualmente precaución y recuerden que circular per Payares al volante d’un camión ye más difícil que per El Güerna.

Tamién piden recuperar la comunicación directa con Delegación de Gobiernu y la DXT pa evitar la desinformación n’episodios d’alerta meteorolóxica como’l vivíu’l martes pasáu, cuando El Puertu Payares quedó zarráu al tráficu de camiones por ñeve 12 hores ensin avisu.