Colocaes 822 instalaciones d'autoconsumu n'Asturies no que va d'añu

El Principáu asegura que son sistemes rentables n'Asturies

No que va d’añu colocáronse n’Asturies 822 instalaciones d’autoconsumu. Son la metá qu’en too 2023, l’añu del boom n’Asturies d’esta fonte d’enerxía. Anguaño hai 3.900 instalaciones. Con esta cifra Asturies ta lloñe d’otres comunidaes.

El Principáu asegura que son sistemes rentables n’Asturies, a pesar de cuntar con menos hores de sol, señala María Belarmina Díaz, directora xeneral d’Enerxía y Minería.

Nesa rentabilidá tamién cunten les ayudes. Hasta agora’l Principáu concedió más de 16 millones d’euros pa subvencionar esti tipu d’instalaciones. Ocho de cada diez, pídenla, pero, una vez concedida hai 18 meses pa presentar los papeles.

Reconocen dende’l Principáu, qu’hai retrasos y p’axilizar esos trámites. Enerxía y Minería asegura que medró la plantiya.