El PP pide al Gobiernu qu'esclarie la cesión de la OSPA pa un discu de Víctor Manuel

Costillas: "El cese de la xerente ye claru pol caos na xestión"

El portavoz de Cultura del PP na Xunta Xeneral del Principáu, José Luis Costillas, esixó esti sábadu al Gobiernu d’Adrián Barbón qu’esclarie “quién ye’l responsable” de que la Orquesta Sinfónica del Principáu d’Asturies (OSPA) fuere cedida de baldre y ensin contratu pa una xira de cuatro conciertos asina como pa la grabación y comercialización d’un discu de Víctor Manuel.

“El cese de la xerente ye claru pol caos na xestión, pero ¿quién y por qué mandó siguir alantre cola cesión de baldre de la orquesta a la productora de Víctor Manuel? ¿Foi la conseyería de Cultura o’l conseyu de Gobiernu?”, entrugó Costillas.

El diputáu asturianu del PP esixó al Executivu autonómicu que dea la cara porque “estos fechos puen ser constitutivos del delitu de malversación d’usu” al usar un organismu públicu que paguen tolos asturianos y asturianes, la OSPA, pa fines privaos y llucrativos d’una empresa particular".