El regresu de Carmen, tan accidentáu como dir a Valencia

L'asturiana grabo'l videu del argayu torgando El Güerna que se fixo viral

Carmen García, l'autora del videu viral del argayu d’El Güerna, recuerda la so esperiencia una selmana dempués del incidente. El so regresu a Asturies, tres llevar a Valencia comida p'animales, traía-yos más sorpreses.

Carmen García ye la presidenta de l'Asociación Liberación Animal Asturies y adelantó al martes el so regresu de Valencia pol avisu d'una nueva Dana. A la vuelta atopó El Payares zarráu por nieve.

Un nuevu contratiempu dempués d'un repartu esprés de comida p'animales donao que los llevó a Paiporta y Catarroja, les zones más afectaes pola riada.

Carmen y la so compañera Yolanda, qu'acabaron dando un rodéu per Cantabria pa volver a Asturies, recalden agora dineru p'ayudar a la reconstrucción de los abellugos d'animales en Valencia.