L'autovía del Cantábricu pel oriente ye ún de los itinerarios alternativos a Payares

Llegar a Madrid n'autobús lleva seis hores, media más que davezu

L’autovía del Cantábricu, al so pasu pel oriente asturianu ye, enagora, ún de los itinerarios alternativos a la carretera d’El Puertu Payares anque esta ruta implica, eso sí, más kilómetros.

Si s’escueye llegar a la capital d’España per Burgos nun hai que pagar el peaxe, pero na zona de Ribedeva nun se nota una mayor afluencia de vehículos.

Llegar a Madrid n’autobús lleva seis hores, media más que davezu

Con esta situación el viaxe a Madrid n’autobús allárgase media hora. Asina, dir dende Xixón a la Estación Sur d’Autobuses lleva seis hores. Alsa informa a los sos viaxeros d’esta situación a la hora de comprar el billete al traviés d’un mensaxe de testu al móvil.

La compañía, qu’opera 20 trayectos diarios a Madrid, recomienda tamién consultar actualizaciones pa conocer los posibles retrasos.