Conciertos de música clásica y equipos con menos ruíu na UCI del HUCA

L'HUCA ye'l primer hospital d'Europa en poner en marcha un proyectu d'humanización nes sos UCI

L’HUCA ye’l primer hospital d’Europa en poner en marcha un proyectu d’humanización nes sos UCI. Per un llau, amenorgando’l nivel de ruíu de les máquines y, per otru, mediante conciertos en directo, una vegada a la selmana, gracies a la collaboración con Uviéu Filarmonía.

Mercedes, flauta principal de la orquesta Uviéu Filarmonía entra nuna de les UCI del HUCA. Ye una de los 12 músicos de la orquesta que participen de manera voluntaria nun proyectu pa humanizar les Unidaes de Cuidaos Intensivos del hospital.

María José Villanueva, directora del Hospital Universitariu Central d’Asturies, destaca que l’HUCA ye’l primer hospital n’Europa que pon en marcha un proyectu d’esti tipu. Una acción que destaquen tamién Guillermo Muñiz Albaiceta, director de la UCI del Hospital Universitariu Central d’Asturies, y María Riera, directora d’Uviéu Filarmonía.

El proyectu complétase con una anovación tecnolóxica, qu’implica tamién amenorgar el ruíu d’alarmes de los monitores, esplica Frederich Martínez Sacchiespo responsable de Connected Care Phillips Ibérica.

Profesionales y usuarios aplauden esta intervención que l’HUCA yá lleva probando dende va un mes con resultaos mui positivos.