El Principáu quier zarrar 2024 con una execución presupuestaria superior al 90%

Peláez: "Ye una obsesión d'esti gobiernu meyorar los datos d'execución"

El Gobiernu del Principáu quier zarrar l’añu con una execución presupuestaria "penriba" del 90 por cientu, en "términos mui asemeyaos" a exercicios anteriores, avanzó esti llunes el conseyeru de Facienda y Fondos Europeos, Guillermo Peláez.

"Ye una obsesión d’esti gobiernu meyorar los datos d’execución", afirmó nuna comparecencia en comisión parllamentaria solicitada pol PP.

El titular de Facienda esplicó que, en cuantes a la execución global, los gastos asítiense enagora nel 69 por cientu, con 4.479 millones, cuasi un puntu penriba del añu pasáu.

Al respective del capítulu d’inversiones, a 14 de payares axudicárense 674 millones, un 63,2 por cientu del total, lo que significa ocho puntos más qu’en 2023, lo qu’en valores absolutos traduzse en 118,7 millones.