Usipa denuncia énte la Inspección de Trabayu les obres de reforma de los xulgaos d'Avilés

El sindicatu diz que les obres tán poniendo en riesgu la salú de los más de 150 trabayadores

Usipa denuncia que cada mañana, los funcionarios de los xulgaos d’Avilés alcuentren polvu per toes partes, escombros, techos desmontaos y parte de la instalación eléctrica pel techu ensin suxeción.

Unes condiciones que, afirma Guadalupe Lorenzo Aguilar, vicepresidenta d’USIPA-SAIF y responsable de Xusticia, ponen en riesgu la so salú.

La zona más afectada enagora ye’l Xulgáu de primer Instancia y Instrucción, anque se sufrió la mesma situación en toles dependencies.

Usipa esixe que se cumpla la llei y que cuando caldía los operarios acaben la so xornada llaboral, quiten elementos de riesgu y llimpien.

El Principáu entamó les obres de reorganización de los xulgaos a mediaos de setiembre con un plazu d’execución de tres meses.