El nuevu Palaciu de Xusticia de Llangréu xunirá nun mesmu edificiu les tres sedes xudiciales existentes hasta agora

La sede xudicial tará operativa dafechu'l 5 d'avientu

El nuevu Palaciu de Xusticia de Llangréu xunirá nun edificiu les tres sedes xudiciales qu’hai anguaño nel conceyu. Distribuyíu en cuatro plantes, cunta con 3.362 metros cuadraos, lo que duplica l’espaciu disponible hasta agora apunta Jesús María Chamorro, presidente del Tribunal Cimeru de Xusticia d’Asturies.

Nel nuevu edificiu trabayarán 54 trabayadores xudiciales. Ta equipáu con tres sales de vistes, zona de calabozos y un espaciu pa víctimes de violencia machista. Tamién hai una sala Gesell, una zona amable pa les entrevistes a menores señala Guillermo Peláez, conseyeru de Facienda y Fondos Europeos.

La más de l’actividá pública concentraráse na primer planta. Enagora yá s’instaló nel edificiu la sección territorial de la Fiscalía y el xulgáu de primer instancia y instrucción númberu 2 aseguren María Eugenia Prendes Menéndez, fiscal Cimera del Principáu d’Asturies; y Roberto García, alcalde de Llangréu.

La nueva sede xudicial tará operativa dafechu’l 5 d’avientu. Supunxo una inversión de siete millones y mediu d’euros y tres años de trabayos.