Monteserín fai un llamamientu a la llucha escontra la segregación nes escueles

"La escuela nun pue resolvelo too y, muncho menos, sola" afirma l'alcaldesa d'Avilés

L’alcaldesa d’Avilés, Mariví Monteserín, pidió esti martes una mayor implicación de la colectividá na llucha escontra la segregación nes escueles nun momentu marcáu por elementos “que contribuyen a dar la idea de que’l racismu y la xenofobia tán medrando sociolóxicamente”.

“Ye mui importante salir victoriosos d’esti retu y pa ello hai que dir pasu a pasu y usar la infraestructura que tenemos de la manera más intelixente posible”, dixo la rexidora local nel actu d’inauguración de la I Xornada Comunitaria de Trabayu 'Alianzas frente a la segregación escolar del CEIP Virgen de las Mareas'.

L’actu, que tuvo llugar nel Palaciu de Valdecarzana, foi entamáu pola Conceyalía de Participación Ciudadana d’Avilés y organizáu pol Grupu de Cohesión Social de los barrios de Xardín de Cantos y El Nodo.