El Principáu reparará l'aleru del edificiu de La Malatería qu'amenaza con caer

En feches vinientes volverá a salir la llicitación de la reforma del edificiu pa reconvertilu en viviendes d'alquiler social

La Dirección Xeneral de Vivienda del Principáu reparará l’aleru del edificiu de La Malatería, n’Uviéu, qu’amenaza con caer. Ye la rempuesta a les protestes vecinales que pidíen una actuación urxente nel teyáu del inmueble poles filtraciones d’agua. Fontes del Principáu aseguren que yá se ta redactando un contratu menor p’acometer l’arreglu.

En feches vinientes, aseguren, volverá a salir la llicitación de la reforma del edificiu pa reconvertilu en viviendes d’alquiler social. La nueva llicitación inxertará dalgunos cambeos nel proyectu pa evitar que se repita lo que pasó nel anterior procesu, que quedó desiertu.