Iberdrola en Llangréu sigue en pruebes y ensin crear los 115 trabayos anunciaos

Los sindicatos critiquen la falta d'información

Dende qu’Exiom y Iberdrola n’alianza dieren anuncia del proyectu pal polígonu de Riaño en febreru de 2023, sucediéronse los aplazamientos. De mano, los promotores apuntaron a que la fábrica taría a plenu rendimientu nel primer trimestre d’esti añu. Llueu, nel branu. Pero de momentu, llamenten los sindicatos, la planta nun acaba d’arrancar y lléndase a operar en pruebes dende esti branu, con un personal mínimu. SOMA-Fitag-UXT reprócha-y a Iberdrola’l so silenciu y confiesa la so intranquilidá apunta José Luis Alperi, secretariu xeneral del sindicatu SOMA-Fitag-UXT.

Comisiones Obreres critica qu’Exiom nun atienda a los sos pidimientos d’información y recuerda que los trabayadores de l’antigua Vesuvius, que tien un nave ocupada agora por Exiom, siguen pendientes de que se cunte con ellos pa participar na selección de personal, un procesu del que nada nun se sabe señala Damián Manzano, secretariu xeneral de la Federación d’Industria de CCOO d’Asturies.

El proyectu d’Exiom pa fabricar paneles solares en Llangréu recueye la creación de 115 trabayos directos y una inversión de 20 millones d’euros.