Los vecinos de Campumanes piden un radar de tramu pa menguar la velocidá

L'asociación vecinal entama los trámites pa solicitalu a la Delegación del Gobiernu d'Asturies

N’ámbar. Asina ta’l semáforu de la N630 a l’altura de Campumanes dende l’argayu d’El Güerna. Una decisión que torga y fai más peligrosu, dicen los vecinos, el cruce de peatones al otru llau del pueblu. A lo que s’amiesta l’escesu de los 50 km/h permitíos nesti puntu señalen Daniel Fernandes y Josefa Gutiérrez, vecinos de Campumanes. Una situación que yá yera un vezu.

Al multiplicase’l tráficu por 6, el problema medra. Amás de precaución, soliciten regulación del tráficu en momentos de más afluencia. Amás, proponen instalar un radar de tramu apunta Loli Martínez, presidenta de l’Asociación de Vecinos de Campumanes.

L’asociación vecinal entamó los trámites pa solicitalu a la Delegación del Gobiernu d’Asturies.