L'Asociación de Centros Geriátricos de Asturias plantégase retos como meyorar les prestaciones de los usuarios o la formación de profesionales

Ascege celebra una xornada sobro atención a les persones mayores cola Conseyería de Bienestar y empresarios

N'Asturies hai anguaño unos 15.000 trabayadores n'atención a los mayores. La previsión de l'Asociación de Centros Geriátricos ye qu'esa cifra se doble enantes de 2030. Unu de los grandes retos del sector ye aumentar el financiamientu, especialmente p'ameyorar les prestaciones de quien quier dir a un centru residencial apunta Leonardo Díaz, presidente d'Ascege.

Otru de los pidimientos, la dixitalización de datos clínicos señala Marta del Arco, conseyera de Derechos Sociales y Bienestar.

El sector representa agora 500 millones d'euros del PIB de la comunidá. Los empresarios piden trabayar na formación de profesionales aseguren María Calvo, presidenta de FADE; y José Manuel Ferreira, vicepresidente de la Cámara de Comerciu d'Uviéu.

La Cámara de Comerciu impulsó un Cluster d'Avieyamientu Activu, que va tar constituyíu nunos dos meses y integráu por 42 empreses. Ente los sos oxetivos, atraer fondos públicos europeos, autonómicos y locales a un sector en puxu.