Windar anuncia un ERE pa una de les sos filiales por baxada de la demanda

La empresa, dedicada a la fabricación d'estructures metáliques destinaes a la producción d'enerxía eólico, cuenta con un centenar d'emplegaos

La dirección de Windar Wind Services, empresa asitiada en Xixón que pertenez al grupu Windar Renovables, treslladó esti miércoles a la representación llegal de los trabayadores la so intención d'empecipiar un periodu de consultes pa la negociación d'un espediente de regulación d'empléu'l próximu llunes 25 de payares.

Windar Wind Services, empresa que se dedica a la fabricación d'estructures metáliques destinaes a la producción d'enerxía eólico y que cunta con un centenar d'emplegaos, xustificó la so decisión en "una baxada de la carga de trabayu pa los próximos meses", según informó CCOO.

Hasta que se conozan los detalles, CCOO alvirtió de que la premisa fundamental pasa pol caltenimientu de l'actividá y del empléu na empresa de cara al futuru.