Les asociaciones en favor de la eutanasia piden menguar la burocracia nos trámites p'acoyese a esta opción

Uviéu celebra les II Xornaes Estatales d'Observatorios de Muerte Digna

N'España tárdase de media unos 45 díes por Llei en consiguir la eutanasia, anque'l tiempu varia en cada comunidá y dependiendo del casu. Los colectivos por una muerte digna quieren que la normativa estatal, a valir dende 2021, s'afite y que los derechos s'amplíen pa desaniciar burocracia, asegura Fernanda del Casillo, presidenta de l'Asociación Derecho a Morir Dignamente.

Afirmen qu'entá queda enforma que lluchar y polo que lluchar, anque Asturies ye de les comunidaes que meyor ta respondiendo. El Principáu, Cataluña y Navarra son les úniques n'España con Observatoriu de Muerte Digna, qu'asesora sobro los cuidaos a la fin de la vida apunta Rocío Allande, directora Xeneral de Cuidaos.

Temes que s'abordaron na segunda Xornada Estatal d'Observatorios de Muerte Digna, entamaes pola Dirección Xeneral de Cuidaos y Coordinación Sociosanitaria, qu'axuntó n'Uviéu a profesionales especialmente del ámbitu sanitariu.