Lastra reivindica'l reproche social que condergue a los maltratadores de muyeres

La delegada del Gobiernu apuesta por educar dende la neñez en valores d'igualdá

La delegada del Gobierno n’Asturies, Adriana Lastra, faló esti martes de la importancia de qu’haya un reproche social a los maltratadores, que suponga que los asesinos sepan que tola sociedá conderga esos comportamientos, con más de 2.100 muyeres víctimes de violencia de xéneru con denuncia nel Principáu, anque probablemente namás denuncia’l 30% de les afectaes.

Esta denuncia visibilizaráse dende agora con una concentración en toles delegaciones de Gobiernu d’España cuando haya un crime machista, dixo al acabar el minutu de silenciu convocáu n’Uviéu dempués de qu’esti fin de selmana hubiera dos asesinatos de muyeres, lo que medra a 42 el númberu de víctimes por violencia machista.

Lastra, qu’amosó la "máxima conderga" énte los asesinatos machistes, reclamó unidad a tolos demócrates, polo que pidió que se renueve de manera urxente’l pactu escontra la violencia de xéneru, y tamién qu’acaben los discursos negacionistes.

El Gobiernu d’España "nun va dexar nunca abandonaes" a les víctimes, afirmó la responsable política, que llanzó un mensaxe a los entornos de les víctimes pa que s’atrevan a denunciar, y de los agresores -más de 2.100 n’Asturies-, que "nun lleven la palabra maltratadores escrita na frente", énte lo qu’hai que tener los "güeyos abiertos".