El Grupu Cárnicu Ganaderu Asturianu nun formaliza la compra del mataderu de Xixón

Los desperfectos apaecíos na depuradora y nel sistema frigoríficu faen inviable la compra

Los desperfectos apaecíos na depuradora y nel sistema frigoríficu faen inviable que, a día de güei, el Grupu Cárnicu Ganaderu Asturianu asuma la compra del mataderu de Xixón.

Nun ye una renuncia definitiva, asegura’l so representante Manuel del Busto. L’interés pola compra del macelu sigue pero dependerá de les ayudes que puean llegar.

Desperfectos cifraos en 300.000 euros y que podríen debese a un sabotaxe nes instalaciones. Manuel del Busto apunta a que’l causante tien un interés por evitar la continuidá del macelu.

Situación que provocó que los principales veceros abandonaren el mataderu.

El Xulgáu de lo Mercantil 3 de Xixón tendrá que decidir agora si entama’l procesu de lliquidación de la empresa. Anguaño son 15 les persones que trabayen nes instalaciones de Granda.