La llista d'espera pa la discapacidá menguó en 1.452 persones n'once meses

Barbón da anuncia de que los presupuestos inxertarán un partida pa reforzar los equipos de valoración

El presidente del Principáu, Adrián Barbón, aseguró esti miércoles que la valoración de los casos que cumplen criterios d’urxencia en materia de discapacidá tán resolviéndose yá nel plazu llegalmente afitáu y que no que va d’añu menguó en 1.452 la llista d’espera qu’había al finalizar 2024.

Frente a los 17.093 asturianos pendientes de valorar con que se zarró l’exerciciu pasáu, a 25 de payares la llista menguare a 15.641, según los datos apurríos por Barbón esti miércoles nel plenu de la Xunta Xeneral del Principáu en rempuesta a una entruga fecha pol diputáu de Foro Asturies, Adrián Pumares.

Les resoluciones, amestó’l presidente, tamién medraron en 3.348 porque frente a les 6.914 que se dictaron en tol 2023, hasta’l llunes pasáu, y a falta de más d’un mes pa zarrar l’exerciciu, resolviéronse 10.262.