Mediu Rural activa un plan de continencia frente a una nueva especie invasora d'aviespón

L'aviespón soror ye un gran depredador d'abeyes y otros insectos y pue alterar l'equilibriu biolóxicu

La Conseyería de Mediu Rural y Política Agraria punxo en marcha un plan de continxencia énte la detección en Siero de cuatro exemplares d’aviespón soror (Vespa soror), una nueva especie invasora viniente del sureste asiáticu.

El Centru d’Alerta y Control de Plagues y Especies Invasores fizo un protocolu qu’inxerta la monitorización intensiva y la instalación d’una rede de trampéu na zona na que se confirmó la presencia d’estos artrópodos, informó esti miércoles el Gobiernu del Principáu.

El Principáu, qu’investiga la vía d’entrada d’esta especie n’Asturies, tamién entamó la fechura de cartelos p’alertar sobre la so presencia y afitó canales pa notificar nuevos casos.