Barbón garantiza l'aprobación de los presupuestos de 2025 col sofitu de Tomé

IX confía en conciliar intereses de Foro y Tomé pa que dean el so sofitu al presupuestu

L’Executivu d’Adrián Barbón tien garantizada l’aprobación de los presupuestos autonómicos de 2025 dempués d’algamar un alcuerdu esti xueves cola diputada del grupu mistu Covadonga Tomé, que sofitará unes cuentes qu’ascenderán a 6.350 millones d’euros, dos millones más que les d’esti añu.

Col votu de Tomé, el Gobiernu d’alianza del PSOE (19 diputados) y IX (3) algama la mayoría parllamentaria necesaria -23 de 45 diputados- pa l’aprobación de les que sedrán les sestes cuentes que l’Executivu de Barbón saca alantre de forma siguida.

En rueda de prensa, la parllamentaria esplicó que l’alcuerdu col Gobiernu asturianu algamóse esti xueves dempués de "intensificase" les conversaciones nes últimes hores y de que "munches" de les propuestes que presentare
quedaren afitaes nel proyectu presupuestariu.