Asetra envalora en 80 millones d'euros les perdes pol zarru de'El Güerna

De la Roza pide "un caltenimientu siguíu" porque "el monte tien problemes serios"

El presidente de l'Asociación d'Empresarios del Tresporte y Aparcamientos d'Asturies (Asetra), Ovidio de la Roza, envaloró en 80 millones d'euros les perdes del sector pol zarru de l’AP 66, principal vía de comunicación cola Meseta, per quince díes por causa de un gran argayu de tierra y roques.

Esi sobrecostu vien del mayor consumu de combustible pa los camiones que tuvieron qu'usar otres alternatives como'l puertu de Payares (N-630).

En declaraciones formulaes en Xixón enantes de la inauguración d'una xornada d'información sobre l'impactu de los cambeos nel sector por nueves normatives medioambientales, De la Roza valoró la rapidez cola que se restituyó la circulación por aciu de la construcción d'un baipás.