El plenu de Tapia refuga la mina d'oru proyectada en Salave

PP y PSOE xuniéronse un nuevu revés al proyectu d'estracción de 35 tonelaes d'oru

Los tarrenes sobre los que se proyecta la mina d’oru de Salave son 60 hectárees catalogaes como agraries y forestales, pero pa facer la mina’l plan urbanísticu de Tapia tendría que camudase pa convertiles n’industriales.

Asina lo pidió la empresa y l’Ayuntamientu mandó facer a los funcionarios municipales un informe qu’agora conocemos y que s’opón a esi cambéu. Recueye que nun hai motivos nin llegales nin mediuambientales que lu enconten, por eso la corporación, por unanimidá, refugó camudar el plan urbanísticu.

PP y PSOE xuniéronse un nuevu revés al proyectu d’estracción de 35 tonelaes d’oru señalen Pedro Fernández, alcalde de Tapia, y Ana Vigón, portavoz del PSOE de Tapia.

La empresa emitió un comunicáu amosando’l so abluque pola decisión del consistoriu de nun considerar el proyectu lo suficientemente importante pa camudar el plan urbanísticu. Asegura que s’omite l’interés públicu y social d’una mina que tendría un valor de 3.000 millones d’euros y que xeneraría, diz la empresa, 200 trabayos directos.