La Policía Nacional activa'l plan pa evitar robos nes zones comerciales en navidaes

El plan va afitar na prevención de robos por aciu de furaques nos almacenes y tiendes

La Policía Nacional punxo en marcha'l ‘Plan Comerciu Seguru' pa les navidaes coles mires d'evitar furtos, robos o fraudes escontra los comercios o los ciudadanos que tán en zones comerciales.

El plan foi presentáu esti vienres na Xefatura Cimera d'Asturies, y tamién va afitar la prevención de robos por aciu de furaques nos almacenes y tiendes, que van aumentar les sos esistencies énte la cercanía de les navidaes.

Los servicios van facese diariamente nes franxes horaries de mayor actividá, con una medría d'axentes, mayoritariamente uniformaos, y va repercutir na seguridá ciudadana cola implantación de planes específicos en cada llugar coordinaos poles respectives comisaríes locales siendo les feches a intensificar del 1 d'avientu al 8 de xineru de 2025.

El plan tamién afita la implicación de les delegaciones de Participación Ciudadana, mientres que nos sos cometíos principales ta'l caltener contactos permanentes colos establecimientos y asociaciones representatives del sector comercial y los sos potenciales veceros pa faelos participar na so propia seguridá.

El ‘Plan Comerciu Seguru' ye una iniciativa que foi aprobada pola Dirección Xeneral de la Policía nel añu 2013.