La fuelga de conductores d'autobús llogra ente'l 50 y el 55% de siguimientu n'Asturies, según CCOO

Tán respetándose los servicios mínimos y nun hebo incidencies

La segunda xornada de fuelga ente los conductores d'autobús ta teniendo pela mañana, según CCOO, un siguimientu d'ente'l 50 y el 55%, asemeyáu al d'ayeri.

Esti sindicatu ye l'únicu convocante de la protesta, que tien como oxetivu que los conductores puean xubilase antes de los 67 años. Nel casu de los autobuses urbanos d'Uviéu, el siguimientu ta siendo daqué superior al 40%, y en Xixón, sobre’l 30.

Nel casu de los percorríos interurbanos y nos de llargu percorríu tán respetándose los servicios mínimos y nun hebo incidencies.

Eso sí, hebo esperes y llargues coles pa munchos viaxeros afectaos pol amenorgamientu d'autobuses en funcionamientu.