Royal A-ware busca trabayadores pa les sos instalaciones na antigua Danone de Salas

La ufierta ye de 82 trabayos nos qu'hai puestos de responsabilidá financiera o técnicos y personal de producción

Bones noticies pa los vecinos de Salas que ven como’l futuru de l’antigua Danone, agora Royal A-ware, ye positivu énte la ufierta de 82 puestos de trabayu que pon la empresa holandesa.

Unos perfiles variaos como responsables financieros y de negocios, con dominiu total del inglés. Per otru llau, búsquense técnicos de mantenimientu y personal de producción señalen Aisha Fernández y Manuel López, vecinos de Salas.

Los vecinos del conceyu salense tán contentos cola oportunidá que se presenta de que cunten con xente de la zona apunten Nuria González y María del Carmen Moro, vecines de Salas.

Unes ufiertes que tamién son una oportunidá pa trabayadores d’otros conceyos que cumplan los requisitos pa cimentar la viniente apertura de la planta de derivaos de la lleche.