Vecinos de Priorio denuncien l'esbarrumbe d'una presa que suministraba agua a ún de los tres molinos hidráulicos de la parroquia

La Confederación hidrográfica, que fai la obra, asegura que'l so oxetivu ye prevenir inundaciones

1752. Ye la referencia más antigua que se tien d’El Molín del Medio. Una infraestructura catalogada dientro del Patrimoniu Cultural d’Uviéu que dexó de funcionar va más d’una década. Los vecinos denuncien que les obres de la Confederación Hidrográfica del Cantábricu nel calce d’El Río Gafu eliminaron la chapacuña que dexaba facer llegar agua al molín, evitando asina’l so usu señalen Ángel de la Fuente, vecín de Priorio; y José Antonio Galán, familiar de los propietarios del molín.

Dende la Confederación afirmen que les obres tienen como envís caltener el calce natural del ríu. Y que l’esbarrumbe de chapacuñes meyora les condiciones en casu d’inundación apunta Bárbara Monte, presidenta de la Confederación Hidrográfica del Cantábricu.

Pa los vecinos, sicasí, l’actuación supón dexar morrer un inxeniu hidráulicu censáu nel catastru del Marqués de la Ensenada y ún de los tres molinos asitiaos na parroquia de Priorio.